VIDEO (Waarskuwing – Nie vir sensitiewe luisteraars) – Soos diere agtervolg hulle man

Brian Clarke nadat hy Jaco Slabbert (regs) verskeie kere geskop en geslaan het. FOTO: Yaseen Gaffar.
Brian Clarke nadat hy Jaco Slabbert (regs) verskeie kere geskop en geslaan het. FOTO: Yaseen Gaffar.

“Help, bel die Polisie, hulle gaan my doodmaak!” het Jaco Slabbert (47) aanhoudend geskreeu, terwyl hy vanaf die Klein Olifantsrivier na Proteastraat se rigting gehardloop het.

Motoriste het verby gery sonder om op sy pleidooie ag te slaan.

Twee bakkies het by die jaagtog aangesluit. Op die hoek van Asalia- en Impalastraat het ’n bakkie al om Slabbert gery, terwyl hy soos ’n vasgekeerde dier agter ’n klein boompie probeer skuil het.

Toe hy weer probeer vlug, is hy platgeduik en op die sypaadjie deur een van sy agtervolgers, Brian Clarke, in die gesig geslaan.

Clarke het ook verskeie kere op sy kop getrap.

Slabbert het weerloos op die sypaadjie gelê en homself bevuil.

Hy het later gesê dat sy voertuig langs die Klein Olifantsrivier gaan staan het. Hy het hulp gesoek by Clarke en sy vriende waarna hy in die gesig platgeslaan is.

Volgens Slabbert het hy ’n hammer gegryp, Clarke teen die kop geslaan en weggehardloop.

Clarke se weergawe was dat hy goedsmoeds geslaan is en daarna besluit het om wraak te neem.

Na die aanvanklike vuishoue en trappery op die sypaadjie het hy Slabbert weer moorddadig in die gesig geslaan ten aanskoue van ’n verkeersman en ’n lid van die Gemeenskaps Polisiëringsforum.

Hy het op die toneel gedreig om die verkeersman, wat hom wou keer om Slabbert verder aan te rand, ook te slaan.

Lede van ER24 het beide mans later behandel.

Twee polisiemanne het ’n uur en ’n half nadat die polisiestasie gebel is, op die toneel opgedaag, maar geen arrestasie is gemaak nie.

’n Vriend van Clarke het gesê “dat hy mal raak wanneer hy onder die invloed is”.

Hy het van die toneel af weggery met ’n bakkie wat volgepak was met huishoudelike items.

Familie het Slabbert later opgelaai en sy stukkende kar ingesleep na sy huis.

Toe alles stil raak het ’n motoris gevra: “Was dit witmense?”.

Die verkeersman het bedeesd geantwoord: “Ja, dit was witmense”.

Lees ander nuus hier:

N4 Vosman protest site cleared, open for traffic

N4 closed at Vosman due to protest on highway

Opvolg: Is lodge aan die brand gesteek?

Damstand stabiliseer te danke aan naweekreën

 

  AUTHOR
Tobie van den Bergh
Editor

find your
dream home

looking for an
affordable
apartment

List your Property

It's easy in only three
simple steps...

find professional
services in
your area

Locate a business
operating in
your area

List your Business

Want more customers? They're online right now, searching for businesses like yours. Place your ad now...

Latest News

COMMENTS

ctpmiddelburgagrieco_highveldgetitlooklocal.co.zaAutodealer.co.za
Top
Recommended Story
Jaco Slabbert (47) wat wreed aangerand is nadat sy motor meganiese probleme gegee het.
In die agtergrond is sy aanvaller, Brian Clarke, sonder hemp. PHOTO: Yaseen Gaffar.
VIDEO – Opvolg: Slagoffer sê hy gaan sake maak