Kaart wys misdaad brandpunte in Kanonkop en Dennesig

Die lid, wat anoniem wil bly, sê hy het neergeskryf wanneer honde vergiftig word en daar inbrake plaasvind.

Hy het agtergekom dat daar net ’n effense afplatting van misdaad elke keer vir ’n paar dae is.

“Daar is nooit meer as twee en ’n half tot drie weke speling tussen die tye wat hulle honde vergiftig in Kanonkop en Dennesig die afgelope paar maande nie.”

Lees: Lyk tussen riete is ’n Mosambieker

Hy het twee weke gelede vir die res van die lede gesê hulle moet tydens patrollies op die uitkyk wees, want hy verwag dat daar weer honde vergiftig gaan word.

Die volgende dag is mense se honde in Springbok- en Tamariskstraat vergiftig.

Die reaksielid het op ’n kaart wat hy by “Google Maps” afgelaai het, met kolletjies die misdaadbrandpunte aangedui.

Lees: Mosambieker met gif in Dennesig dammetjie gevang

Hy glo dat die man wat onlangs in Kanonkop geskiet en gesterf het tussen die riete by die Dennesig dammetjies, by misdaad betrokke moes wees.

“Ek is 100% oortuig dat hy betrokke was by misdaad en daarom is waarskuwingskote op hom geskiet. Mense sal nie skiet as dit nie nodig is nie. Almal is keelvol vir misdaad!”

• Die man wat geskiet is, is ’n Mosambiekse burger. Die omgewing waar hy geskiet is, is een van die misdaadbrandpunte in Kanonkop.

  AUTHOR
Daleen Naude
Journalist

Latest News

COMMENTS

Top
Next Story x
(Graphic content) Body found next to river with arm torn off